CCCXXVI.

1424, November 10. Ottmachau.

Bischof Konrad von Breslau beauftragt die Pfarrer in Frankenberg, Baumgarten und Stolz, die Scholzen und Bauern mehrerer Dörfer durch Excommunication zur Zahlung der Zehnten an das Kloster Kamenz zu zwingen.

Conradus dei gracia episcopus Wratislaviensis discretis viris dominis in Frankenberg, in Bowmgarthen et in Staulcz ecclesiarumque rectoribus salutem in domino. Mandamus vobis et cuilibet vestrum, quatenus peremptorie moneatis, vos, domine in Frankenberg, heredes scultetos, rusticos, agricultores omnes et singulos in Gerungiswalde, in Bowmgarthen, in Grochaw et in Pauilwicz, sed vos, domine in Bowmgarthen, scultetos, rusticos, agricultores omnes et singulos in Frankenberg, in Rudegirsdorff, in Banaw, in Jonsbach et in Hartha, vos vero, domine in Staulcz, moneatis scultetum, rusticos, agricultores omnes et singulos in Altmansdorff manentes. Quos et vos monemus per presentes, ut infra octo continuos dies a vestris monicionibus ipsis faciendis venerabili patri domino abbati et conventui de Kamencz de fertonibus decimalibus anni presentis satisfaciant, ut tenentur. Alioquin ipsos et eorum quemlibet tamquam nominatim expressos extunc prout exnunc dicta canonica monicione premissa exigente iusticia excommunicamus dei nomine in hiis scriptis. Quos sic excommunicatos primo semel ad minus in ipsorum ac demum in vestris ecclesiis singulis diebus dominicis publicetis, donec a nobis fuerint absoluti. Datum Othmuchaw decima die Novembris anno domini M° CCCC° XXIIII°. Litteram reddite sigillatam diem execucionis presentibus consignando. Execucio facta est IIIIta feria post Martini.

Or. Perg. Das zurück aufgedrückte S. ist fast gänzlich abgefallen.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.